Kom laai my af Kaartjie

Kom laai my af …
dáár … waar die wêreld se geraas ophou
en die stiltes saam met die ou grondpad begin
Waar God … my hand styf kan neem
en vir my Sy “mooi” gaan wys
Dáár … waar engele vroeg-môre
die dou op die wingerde kom haal
en saam met die aand-gebede
terug hemel toe neem

Waar die hoenderhaan se skril gekraai …
waarsku … dat die “nuwe dag” gaan breek
‘n Petrus volkie … drie maal of meer
die knop in hul keel afsluk
wanneer die son sy goudgeel gesig
ver oor die horison uitsteek

Dáár … waar grond nog ruik na grond …
die sterre kombers saans
‘n dag se genade toe kom maak
God se liefde … wyd saam met die oop vlaktes kom lê
en dankbaarheid ‘n loflied raak …

(7 Kruike – Esmé Sonnekus)