Die “ou winter”… Kaartjie

Die ou “winter” het jou kom verniel vriendin
ek sien dit in jou oë
In die anders … “stilwees” … rou hartseer
so vlak nog op jou siel kom lê
weet jullee … sonder antwoorde
nog so diep aan jou hart kom raak
Van ‘n grondpad … soveel keer geloop
‘n God … “wat dan moes heel kom maak” …

Wil ek sommer net … hiér langs jou kom sit
suutjies … op jou “heilige grond”
Saam met jou kom wag … ja bid …
vir die vyeboom se bot …

(Markus 13:28)
… As ‘n vyeboom, nuwe, sagte takkies maak
en die blaartjies begin uitkom,
weet julle dat die somer op pad is.

(7 Kruike – Esmé Sonnekus)