Ek hoop mense sal eendag onthou… Kaartjie

Ek hoop mense sal ééndag onthou
dat jy hiér was
Dat diep binne jou ook ‘n sagte “omgee-hart” was
en dat jy probeer het om mense
deur “Jesus-oë” te sien
En ek hoop hul sal onthou
dat die wysers van jou “luister-horlosie”
stil kon gaan staan
elke keer as iemand hul seer wou praat
Hul sal onthou … al jou “simpel sê-goed”
waarvoor jyself so maklik kon lag
Maar net so maklik jou pyn kon deel
‘n rou stuk van jou “realness” … kon weerkaats

En ek hoop hul sal onthou
dat tussen jou foute en tekortkominge
jy áltyd net oor “Jesus” wou praat
Jou siel deurweef in Hom
“Sy liefde” … “genade” … ‘n goue draad

… en ek hoop hul sal jou “naam” onthou
vir elke keer wat jou aardse vlerke
vir daardie oomblik aan die hemel kon raak …

(7 Kruike – Esmé Sonnekus)