Vandág wil ek sommer net… Kaartjie

Vandág wil ek sommer net
saam met jou die “rieldans” doen
sodat ons wéér uit ons maag uit kan lag
Sorgeloos kan onthou
dat dié ou lewe ook sy eie mooi het
Dat “eenvoud” en “nederigheid”
die klanke is wat God wil hoor
en dat die ou uitgetrapte stofpad
ons soms nog baie wil leer

Mag jou voete áltyd op die pad bly dans
terwyl ‘n “hemel-lied” in jou hart bly speel
Mag die son se goue strale warm oor jou skyn
jou arms áltyd vol veldblomme wees
en mag jy Sy lied bly hoor
selfs saam met die laat Karoo reën !!

(7 Kruike – Esmé Sonnekus)